Ja pronat që regjimi u konfiskoi Prenk Pervizit, Abaz Kupit, Mehdi Frashërit…

0
552

Lista e t’arratisunve politikë të N/ Prefekturës së Tiranës, si dhe pasunit që ata kanë lenë

Sekuestrimi dhe konfiskimi i pronave të kundërshtarëve politikë, ishte një prej mënyrave që komunistët përdornin për t'i goditur ata. Ky proces kishte nisur menjëherë pasi regjimi i Enver Hoxhës mori pushtetin në fund të 1944-ës.

Procesi i konfiskimit të pasurive i ishte lënë në dorë Këshillave Nacionalçlirimtare, të cilat Partia Komuniste i kishte ngritur në çdo fshat e qytet të vendit.

Dokumentet e viteve 1944 e në vijim dëshmojnë mijëra raste konfiskimesh të pasurive të luajtshme e të paluajtshme të të gjithë kundërshtarëve të komunizmit dhe familjeve të tyre. Mes këtyre dokumenteve vlen të veçohet kjo listë  ku janë renditur pronat e konfiskuara të të arratisurve në prefekturën e Tiranës. Mes tyre renditen: Abaz Kupi, Prenk Pervizi, Mehdi Frashëri, Thoma Orollogai, Ymer Fortuzi, Qazim Nekiu, Asim Abdurrahmani, etj.. Pothuajse të gjithë familjet e tyre që kishin mbetur në Shqipëri, regjimi komunist në formë hakmarrjeje i degdisi burgjeve dhe kampeve të internimit.

blank
Prenk Pervizi

Lista e t’arratisunve politikë të Rrethit të Komitetit Ekzekutiv të Këshillit N.Ç. të N/ Prefekturës së Tiranës, si dhe pasunit që ata kanë lenë

1.PRENK PERVZI

Një shtëpi në Tiranë të Re, gjëndja është fare e mirë dhe e shtrueme me briodenne.

Kati i I –rë; I banuem prej Sefedin Kolecit, partisan I Brigadës së IV-të, dhe prej Ilija Budini, Intendent në Korp. Armatë

Kati I II-të: I banuem prej Tosun Eminit në bandën Ushtarake dhe prej Jani Gjonit nëpunës në Botore.

Të gjitha janë të vendosun prej Këshillit.

Shtëpija është e përbame prej: 9 dhomash, 3 sallone, 2 guxhina, 4 nevojtore, dy me banjo.

2.ASIM ABDURRAHMANI

Një shtëpi në Tiranën e Re, gjëndja e sajë është krejt modern. Mbrenda e shtrueme me parket. Përbahet: 6 dhoma, 2 banjo, 1 sallon, 1 kuzhinë.

Asht e banueme perj Dr. Dishnicës.

  1. THOMA OROLLOGAI

Një shtëpi në Tiranën e Re, gjëndja fare e mirë. Kati I parë banohet prej Jakup Ypit, dhe kati I dytë prej familjes së tij. Asht e përbame prej 9 dhomash. 2 sallone, 2 guzhina, 2 nevojtore, njera me banjë.

Një shtëpi e djegun Rruga N. Frashëri Nr. 9.

  1. MEHDI FRASHERI

Shtëpija e këtij ndodhun në Tiranën e Re banohet prej Misionit Ushtarak Sovjetik.

  1. QAZIM NEKIU

Ke fusha e Aviacionit.

  1. YMER FORTUZI

Bashkë me Staçioli, kanë një shtëpi në Rrugën e Durrësit Nr. 57. Staçioli pretendon se ndërtesa është pronë e tij, por nga hetime të sigurta të bame nga Këshilli I Lagjes, rezulton se shtëpia është pronë e të dyve. Shtëpija është moderne:

Qilari: asht i përbamë prej 6 kthinash, me gjithë salon.

Kati I I-rë, ka 10 kthina me gjithë banjo.

Kati I II të, ka 7 kthina me banjo e salon.

Kati I III-të, ka 5 kthina me banjo e guzhinë.

Shtëpia asht e banume prej: Ollga Remeina, Delma Luigi, Monte Bruno, Merita Sokoli, Xhevdet Pojani, Dr. Thantili, Koçi Lubonja, Lesta Miro dhe familja Çekini.

. Një shtëpi në rrugën Fortuzi Nr. 131, gjëndja e saj është fare e mirë. Asht e banueme nga Myslym Peza.………………………………………………………………………

PASUNIJA E T’ARRATISUNVE POLITIKE TE NENPREFEKTURES SE KRUJES

. Abaz Kupi 10 frymë, 295 ara, 11 kopshtije, 256 ha kullota dhe livadhe, 150 ha pyll, shuma 712. Shtëpi 11, kasolle 2, 11 Bujqëve, Katundi: Qyteti Krujë, Larushk, Fushë-Krujë e Luz. Qëndër e Fush-Krue.

VEREJTJE

Abaz Kupi ka dhe një mulli drithi. Në këto prona është pjestar dhe Hamid e Hasan Kupi.………………………………………………………………………

. Prenk Previzi 6 frymë 108 ha ara, 88 ha. Kullota e livadhe. Shuma 196. Shtëpi 1. Buqëve 2, Me buq. Katundi Laç, Kurbinit.

VEREJTJE

Një shtëpi është djegun.

blank
Abaz Kupi

 

Në rast se keni dijeni mbi krime, viktima apo ngjarje që lidhen me periudhën e komunizmit në Shqipëri, klikoni këtu për ta publikuar në arkivën tonë.

PËRGJIGJU

Please enter your comment!
Please enter your name here