Dokumentet e viteve '49-'51: Ja normat e ushqimit që kishte miratuar qeveria e Hoxhës për të burgosurit e të internuarit që rraskapiteshin në punë dhe ushtarakët dhe qentë e Ministrisë së Brendshme…
Puna e rëndë dhe ushqimi tmerrësisht i varfër për të burgosurit dhe të internuarit që punonin çdo ditë nga mëngjesi në mbrëmjë me detyrim, duket sot si nje legjendë gati e pabesueshme. Si mund të punonin në punët më të rënda vetëm me bukë dhe një supe e gjitha ujë, ku mezi gjendeshin pak korra fasule apo oriz?
Dokumentet arkivore e dëshmojnë plotësisht trajtimin e mizor të të burgosurve dhe internuarve, të cilët i vinin çdo ditë para kërcënimit të urisë.
Qeveria e drejtuar nga Enver Hoxha kishte miratuar në vitet 49-51 normat ditore të ushqimit për policët, ushtarakët, të burgosurit, të internuarit, qentë e policisë e të ushtrisë dhe kafshëve të tjera që përdorte Ministria e Brendshme dhe e Mbrojtjes. Ajo që bie në sy nga tabelat e normave, që kishte caktuar Hoxha është diferencimi i tmerrshëm i këtyre kategorive. Ushtarët, oficerët e Minsitrisë së Brenshme dhe deri qentë e tyre merrnin çdo ditë më shumë se dyfishin e normës së ushqimit krahasuar më të burgosurit e të internuarit që punonin në sektorët më të rëndë, si: në tharje kënetash, miniera, ndërtime rrugësh, fabrikash, uzinash, etj.
Tabelat që sjellim më poshtë tregojnë menunë e pasur ushqimore të ushtarakëve në konvalishenca, menunë ditore të qenve të Minsitrisë së Brendshme dhe e paralelsiht me ta menutë e të burgosurve politikë e të internuarve që bënin punë të detyruar në frontet më të vështira.
Në rast se keni dijeni mbi krime, viktima apo ngjarje që lidhen me periudhën e komunizmit në Shqipëri, klikoni këtu për ta publikuar në arkivën tonë.