Në vetëm pesë rreshta radiogram të Shefqet Peçit, një prej komandantëve më gjakatarë, që ndërsyen shqiptarët në luftë kundër shqiptarëve, ne veri të Shqipërisë më 1945-1946, kuptohet se sa mizor do të ishte ai regjim ndaj një popullsie krejtësisht të pafajshme.
Në këtë radiogram gjenden bashkë mandata e vrasjes së një partizani pse kishte ndihmuar të arratisej nga burgu një kundërshtar të regjimit, dhe shqetësimi diabolik i udhëheqësit komunsit pse nga katër flamurët: anglez, amerikan, rus e shqiptar befas ishte zhdukur pikërisht ai rus, çka paralajmëronte një sulm të hapur kundër vatrës së ideologjisë komuniste.
Ja çfarë i shkruan Shefqet Peçi, Mehmet Shehut me 26 shkurt 1945: “Në Sukë u pushkatua Ndue Lleshi Partizan i Komandës Vëndit Dush se ndihmoj aratisjen nga burgu të Ded Çunit. Duke u gdhirë sot 26/shkurt i945, në tribunë ku vareshin katër flamurët, Engles, Amerikan, Rus, Shqiptar u zhduk flamuri Sovjetik. Kjo çështje dyshojmë të ketë lidhje me sabotimin e autoparlantit ditën e 23/II/945. Oficeri Gjerman që qëndronte ilegal në malsit e Shkodrës bashkë me një farë Gjin Luka u dorëzua. Shefqeti...”.
Dokumenti gjendet në një prej dosjeve të Arkivit të Shtetit, ku ruhet një dokumentacion i pasur për krimet e regjimit komunsit në veri të Shqipërisë në vitin 1945.
Në rast se keni dijeni mbi krime, viktima apo ngjarje që lidhen me periudhën e komunizmit në Shqipëri, klikoni këtu për ta publikuar në arkivën tonë.