Dokumenti/ Ja si rrëmbehej shtëpia dhe prona në komunizëm

0
1000
blank

Shkresa e majit 1946, ku jepet një prej urdhrave të shumtë të këtij lloji në atë kohë, për zaptimin e shtëpive dhe pronave...

Ky dokument i ruajtur që nga viti i largët 1946, është një fakt i rëndësishëm, që na dëshmon sot, se si u mor me forcë çdo pronë dhe u tjetërsua në kohën e komunizmit dhe pronarët më tej, u hodhën rrugëve të pashpresë apo nisën kalvarin e burgjeve dhe internimeve.

Në dëshmitë e tyre, shumë familjarë që provuan dhunën komuniste, që ju përvetësuan pronat dhe shtëpitë, e dëshmojnë momentin e nxjerrjes nga banesa me forcë, si një nga momentet e vështira të persekutimit të gjatë, që do të vijonte me dekada. Por, përveç dëshmive të tyre, nuk kishim hasur deri më sot, një prej shkresave me të cilët njerëzit e regjimit “trokisnin” në derë dhe pasi jepnin urdhrin, nisnin bastisjen e gjithçkaje. Siç duket, edhe në këtë tip njoftimi apo urdhri, nuk vihet në diskutim asgjë tjetër veç faktit të kryer të lirimit të banesës “me urgjencë”.

E sjellim më poshtë të plotë këtë shkresë të rrallë të vitit 1946, si një dëshmi e bastisjes së pronës private nga regjimi komunist.

Republika Popullore e Shqipërisë

Komiteti ekzekutiv K.N.C.iN/ Prefekturës së Durrësit

Kryesija

Nr.1942/30

Durrës, më 6  Maj 1946

Urgjente

Qytet:

Mbasi shtëpia e juej nevojitet për organizatën e grues Antifashiste të prefekturës, mbrenda datës 11.V.1946 duhet ta lironi.

Mos-lirimi i shtëpisë në datën e caktueme  do të shkaktojë marrjen e masave.

P.Komitetin ekzekutiv të këshillit popullor të  N/prefekturës së Durrësit

Sekretari Andrea Mema

Kryetari Nikolla Tirana

 

Në rast se keni dijeni mbi krime, viktima apo ngjarje që lidhen me periudhën e komunizmit në Shqipëri, klikoni këtu për ta publikuar në arkivën tonë.