Lindi në vitin 1943 në fshatin Bubullimë të Lushnjës. Mbaroi studimet për inxhinieri nafte dhe punoi në disa zona naftëmbajtëse në vend. U dënua tri herë nga regjimi komunist.

Herën e parë u arrestua më datën 15 mars 1975 për agjitacion e propagandë dhe u dënua me 10 vjet burg. Herën e dytë u dënua në vitin 1976 ndërsa vuante dënimin. Akuzat e ngritura ishin për sabotim ekonomik në fushën e naftës. Me vendim të Gjykatës së Lartë me dosje nr. 12, datë 16.06.1976, dënohet me 20 vjet burg.

Duke vuajtur dënimin nëpërmjet punës së detyruar në  Spaç, Nuredini u arrestua më 23.2.1979. U përfshi në një “grup” që u akuzuan për krijimin e një organizate “kundërrevolucionare antisocialiste” me emrin “Revizioniste”. Dënohet me 18 vjet.

Transferohet në repartin e Qafë-Barit, ku vuan torturat e policëve pas revoltës së të burgosurve.

U lirua nga burgu më 24.8.1990. Ka botuar librin "Tragjedia e inteligjencës së naftës".

Burimi: Arkivi i gjykatës dhe Ministrisë së Brendshme.
Ju lutem, plotesoni fushat e kerkuara.
Mbyll formen

Ju lutem zgjidhni imazhin qe do te ngarkoni.