Lindi më 8 prill të vitit 1926, në fshatin Kurdari të Matit. Më 18 tetor 1970, Gjykata e Rrethit Gjyqësor të Matit e deklaroi fajtor për «agjitacion e propagandë kundër pushtetit popullor», «moskallëzim të krimit» dhe «përhapje të sekretit shtetëror» dhe e dënoi me 15 vjet heqje lirie. Mori pjesë në revoltën e Spaçit të 21-23 majit të vitit 1973, ndaj dhe, më 13 korrik të po atij viti, Gjykata e Rrethit të Mirditës e deklaroi fajtor për «sabotim duke qenë pjesëmarrës në një organizatë kundra pushtetit popullor dhe për agjitacion e propagandë që ka sjellë pasoja veçanërisht të rënda» dhe e dënoi me 18 vjet heqje lirie, konfiskimin e pasurisë dhe humbjen e së drejtës elektorale për 5 vjet kohë. Ky vendim u la në fuqi edhe nga Gjykata e Lartë, më 8 shtator 1973.

Burimi: AISKK, F. 1, V. 2012, D. 1, Fl. 434.

Sherif Allamani rrjedh nga një familje nacionalistësh dhe kundërshtarë të sistemit komunist ai u dënua për tentativë për vrasjen e Enver Hoxhës. Një pjesë të burgut e bëri në Spaç. Ishte pjesëtar dhe në revoltën e Spaçit. Një pjesë të dënimit e kreu në burgun e Burrelit. Është ridënuar disa herë brenda në burg sapo i afrohej koha e lirimit.
Ju lutem, plotesoni fushat e kerkuara.
Mbyll formen

Ju lutem zgjidhni imazhin qe do te ngarkoni.