Shaban Balla | |
---|---|
Informacione Personale | |
Emër/Mbiemër: | Shaban Balla |
Atësia: | Qamil |
Vendlindja: | Krujë |
Vendbanimi: | Tiranë |
Datëlindja: | 1904 |
Profesioni: | Gazetar, Gjeometër |
Gjyqi | |
Data e Arrestimit: | 18/1/1946 |
Akuza: | «Spiunazh, tentativë për rrëzimin e Pushtetit Popullor» |
Ekzekutimi | |
Lloji Ekzekutimit: | Ekzekutim me pushkatim |
Data Ekzekutimit: | 3/7/1946 |
Gjeometër, gazetar, korrenspondent i gazetës amerikane «Times» (1925). Lindi në vitin 1904, në qytetin e Krujës. Më 1929 kreu shkollën teknike «Harry Fultz» në Tiranë dhe dy kurse në «Robert Kolegj» të Stambollit. Në vitin 1925 punoi si korrespondent i gazetës «Times» të Amerikës, pastaj si gjeometër pranë zyrës Teknike të Ministrisë së Punëve Botore. I zhgënjyer nga terrori i ushtruar nga regjimi i ri, në verën e vitit 1945 u anëtarësua në organizatën e rezistencës «Bashkimi Demokrat Shqiptar». U arrestua më 18 janar të vitit 1946 për «spiunazh» dhe «tentativë për rrëzimin e Pushtetit Popullor» dhe u dënua me vdekje pushkatim. U ekzekutua më 3 korrik 1946, bashkë me Xhahit Kokën, Qenan Dibrën, Telat Drinin, Mahmut Menikun, Sami Qeribashin, Mehmet Beshirin, Ali Kavajën dhe Hivzi Goljan. Më 25 gusht 1947, Komiteti Ekzekutiv i K.P. të Prefekturës së qytetit të Tiranës vendosi sekuestrimin e të gjithë pasurisë së tij.