Lindi në Kamçisht, Tepelenë, më 1913. Babai i tij, Sulo Abaz Çela, kishte luftuar në mbështetje të partizanëve, më pas kaloi me Ballin Kombëtar, më 2 shkurt 1943, së bashku me 5 ballistë të tjerë i kapën partizanët dhe i pushkatuan në fshatin Bënçë.

I prekur nga vrasja e babait, i pakënaqur nga reforma që i mori pronën dhe nga taksat e larta, Halil Çela u rreshtua në përkrahje të revoltës së Zhapokikës. Më 10 tetor 1948,

kur kryengritësit u shpartalluan dhe një pjesë ikën në drejtim të Gllavës, Halili u mbyll në shtëpi, i rrethuar nga forcat e ndjekjes. Zhvilloi një luftë të vërtetë. Kur pushka e tij pushoi, forcat e ndjekjes hynë në shtëpi dhe e gjetën Halilin të vrarë. Për vdekjen e tij ka dy

versione: një, vetëvrasje për të mos rënë në dorë të forcave të ndjekjes; dy, vrasje nga shkëmbimi i zjarrit.

Në një dëshmi të të ndaluarve në hetuesi thuhet: "Unë nuk u dorëzova pasi kisha frikë aq më tepër nga vrasja e Halil Sulos se kujtova se e kishin vrarë forcat e ushtrisë, por ai kishte vrarë veten".

Me vendim nr. 9, datë 5. 5. 1994 i është dhënë statusi i të vrarit në përpjeke me forcat e diktaturës komuniste.

Ju lutem, plotesoni fushat e kerkuara.

Emri/Mbiemri*

E-mail*

Informacionet që doni të shtoni*

Shtoni një imazh/dokument

Ju lutem zgjidhni imazhin qe do te ngarkoni.

Shtoni një tjetër

Verifikim njerezor, ju lutem lereni kete fushe bosh