| Taf Osmani | |
|---|---|
 |
|
| Informacione Personale | |
| Emër/Mbiemër: | Taf Osmani |
| Atësia: | Hysen |
| Vendlindja: | Rragam, Shkodër |
| Ngjarja i përfshirë: | Kryengritja e Postribës, gjyqi i parë |
| Gjyqi | |
| Data e Arrestimit: | 16/9/1946 |
| Dënimi: | 5 vjet Burg |
| Data e Vendimit: | 8/1/1947 |
| Data e Lirimit: | 1949 |
Njihet edhe si Taf Hyseni. Vëllai i Zyber Osmanit. Lindi në fshatin Rragam të Shkodrës. U arrestua më 16 shtator 1946, me akuzën se kishte marrë pjesë në një mbledhje në Rragam, bashkë me të vëllanë, Zyberin, për organizimin e kryengritjes në Gurin e Zi dhe në përpjekjen me armë të 9 shtatorit në Postribë. Në gjyqin ushtarak që i dha vendimet në 27 nëntor 1947, u dënua me 5 vjet heqje lirie, punë të detyruar dhe konfiskim të pasurisë së luajtshme dhe të paluajtshme, kurse familja e tij u internua. Më 1949, iu fal pjesa e mbetur e dënimit.
Burimi: Fjalori Enciklopedik i Viktimave të Terrorit Komunist VI (Tiranë: ISKK, 2017), 160