Namik Haderi | |
---|---|
Informacione Personale | |
Emër/Mbiemër: | Namik Haderi |
Atësia: | Ali |
Vendlindja: | Papavli, Delvinë |
Profesioni: | Mësues |
Datë Vdekja: | 17/11/1947 |
Ekzekutimi | |
Data Ekzekutimit: | 17/11/1947 |
Lindi më 1911, ose 1913, në Papavli, Delvinë. Më 1932 kreu Shkollën teknike. Punoi si mësues në Delvinë dhe Gjirokastër. Më 22 korrik 1947, u arrestua si armik i popullit në shërbim të agjenturës amerikane. Pas pesë muajsh tortura, më 17 nëntor 1947, Gjykata Ushtarake Gjirokastër e dënoi “se ka marrë pjesë në grupin armiqësor të krijuar nga Fullci, më vonë ka bërë pjesë në këtë grup në Delvinë si sekretar, ka bërë agjitacion e propagandë dhe i ka dhënë informata Sillogut të Janinës”, me vdekje, konfiskim pasurie dhe humbjen e së drejtës elektorale për 5 vjet. Pas ekzekutimit të tij, u asgjësua gjithë familja: bashkëshortja i vdiq në mjerim, vajza vdiq në çmendinë në Vlorë, djali i vdiq nga kanceri.
Burimi: AISKK, F. 1, V. 2014, D 8. Fl. 160, 673-674; Liria, 29 shtator 1993; Pjetër Pepa, Dosja e diktaturës (Tiranë: Kumi, 2009), 257.