Maliq Bajrami Muço | |
---|---|
Informacione Personale | |
Emër/Mbiemër: | Maliq Bajrami Muço |
Vendlindja: | Shkodër |
Datëlindja: | 1914 |
Datë Vdekja: | 25/3/1945 |
Akuza: | "Anëtar kryesor i kryengritjes së janarit në bashkëpunim me Dedë Shabanin" |
Gjykata: | Gjykata e Ushtarake Shkodrës |
Vendimi: | Nr. 28 |
Lindi në Shkodër, në vitin 1914. Ish-sekretar i komunës Malkolaj. Në shtëpinë e Dul dhe Maliq Bajramit në Malin Kolaj të Shkodrës më 24 dhe 25 dhjetor 1944 u organizua mbledhja e krerëve të Malësisë ku u vendos të luftohet pa kompromis që në Shqipërinë e dalë nga lufta të mos instalohet regjimi komunist. Ata së bashku me malësorët e udhëhequr nga prijësi Prek Cali nuk lejuan që forcat komuniste të qeverisnin në Malësi duke luftuar me ta, por të tradhtuar, u arrestuan.
U arrestua më 31 janar 1945, dhe me vendim nr. 28, datë 16 shkurt 1945, Gjykata e Ushtarake Shkodrës e deklaroi fajtor si "anëtar kryesor i kryengritjes së janarit në bashkëpunim me Dedë Shabanin" dhe e dënoi me vdekje.
U ekzekutua më 25 mars 1945 në Zall të Kirit me 13 burra të tjerë. Eshtrat nuk iu gjetën kurrë.