Emigroi në Amerikë në moshë të re. Hyri në marrëdhënie me organizatën shqiptare patriotike "Vatra". Ai shkruante dhe nisi të quhej "poeti" në ato qarqe.

Mik i Faik Konicës dhe sekretar i konsullatës shqiptare në Washington për 12 vjet deri në 1940.  Më 1941 shkon në Itali. 1941- 43 ka qenë atashuar në “Oficia Albania” në Romë për të korrigjuar lajmet nga Shqipëria të cilat i bënte në katër kopje.

Ka qenë spiker në Radio-Roma për katër vjet duke dhënë lajmet për shqiptarët e Amerikës deri në shkurt të vitit 1943, kur në Romë erdhën misionet anglo-amerikane, ku u krijua një komitet shqiptar dhe  Hito Sadik ka qenë përkthyes i këtij misioni, i cili drejtohej nga Mehmet Konica.

Në tetor 1944 është njohur me Harry Fulcin dhe pastaj u kthye në Shqipëri.

Jeta e tij në Amerikë dhe Itali, afërsia me Faik Konicën dhe miqësia me Petro Markon sjellin arrestimin e tij në të njëjtën kohë me Petro Markon, më 15 maj 1947.

I shpëton pushkatimit dhe kalon 3 apo 4 vite në burg. Pasi del nga burgu, banon në një xhami në Tiranë. I papunë dhe pa shtëpi, kthehet në Bënçë dhe jeton i vetëm. Ndërroi jetë në spitalin e Gjirokastrës pasi i plasi tëmthi.

 

Burimi: Hito Sadik, “Branko Merxhani i Amerikës”, Veledin Durmishi, gazeta Dita
Ju lutem, plotesoni fushat e kerkuara.
Mbyll formen

Ju lutem zgjidhni imazhin qe do te ngarkoni.