| Gjon Vlashi | |
|---|---|
 |
|
| Informacione Personale | |
| Emër/Mbiemër: | Gjon Vlashi |
| Atësia: | Gjergj |
| Vendlindja: | Durrës |
| Profesioni: | Avokat |
| Gjyqi | |
| Data e Vendimit: | 27/9/1947 |
| Gjykatësi: | Niko Çeta |
| Gjykata: | Këshilli i Gjykatës së Lartë Ushtarake |
Gjovalin (Gjon) Vlashi, sipas të dhënave të dosjes hetimore, ishte i biri i Gjergjit dhe i Rozës, vjeç 34, lindur dhe banues në Durrës, me profesion avokat, i pamartuar, me arsim të lartë, i padënuar. Ai u gjykua me grupin e dytë të deputetëve, të ashtuquajtur grupi i Shefqet Bejës, në një proces që u zhvillua në kinemanë "17 Nëntori" nga 4-27 shtator 1947.
Në atë proces gjykoheshin 24 persona, një pjesë deputetë. Gjon Vlashi u dënua me burgim të përjetshëm, por më pas, dënimi i është ulur dhe është liruar nga burgu.
Sipas të dhënave të librit "Skenarë të përgjakur", të Xhafer Sadikut, në mes të viteve '60, Gjon Vlashi ndodhej i transferuar në Përmet dhe mbahej në kontroll operativ nga Sigurimi.
Burimi: Skenarë të përgjakur (Përmeti 1943-1990), Xhafer Sadiku, ISKK, Tiranë 2016