Ushtarak. Lindi në vitin 1903, në fshatin Bërzeshtë të rrethit të Librazhdit. Shkollën fillore e kreu në fshat, kurse të mesmen në Manastir. Më 1917, u dërgua në Grac të Austrisë, ku kreu Akademinë Ushtarake. Pas mbarimit të akademisë u kthye në atdhe. U caktua instruktor në shkollën e plotësimit për oficer në Tiranë. Më vonë u transferua në këmbësori dhe shërbeu në rrethet Kukës, Burrel, Durrës dhe, së fundi, në Tiranë. Më 26 tetor të vitit 1944, u thirr për një sqarim së bashku me 35 intelektualë të tjerë dhe që nga ajo ditë, nuk u kthye më kurrë në familje. U ekzekutua pa gjyq më 28 tetor 1944. Në dhjetor të vitit 2009, Presidenti i Republikës e dekoroi me Urdhrin «Nderi i Kombit», bashkë me 36 intelektualë të tjerë të Tiranës të vrarë nga komunistët në periudhën 28 tetor-16 nëntor 1944, me motivacionin: «Të martirizuar nga terrori komunist për shkak të besimit në idetë demokratike perëndimore të zhvillimit të Shqipërisë pas Luftës II Botërore».

Ju lutem, plotesoni fushat e kerkuara.

Emri/Mbiemri*

E-mail*

Informacionet që doni të shtoni*

Shtoni një imazh/dokument

Ju lutem zgjidhni imazhin qe do te ngarkoni.

Shtoni një tjetër

Verifikim njerezor, ju lutem lereni kete fushe bosh