| Taisa Batkina | |
|---|---|
 |
|
| Informacione Personale | |
| Emër/Mbiemër: | Taisa Batkina |
| Atësia: | Pisha |
| Vendlindja: | Tula,, Rusi |
| Datëlindja: | 2/9/1932 |
| Gjyqi | |
| Data e Arrestimit: | 1977 |
| Akuza: | «Tradhti ndaj atdheut në formën e spiunazhit dhe agjitacion e propagandë kundër pushtetit popullor» |
| Dënimi: | 16 vjet Burg |
| Vendimi: | 16 korrik 1977, Gjykata e Rrethit të Tiranës |
Hebreje ruse, kimiste.Lindi më 2 shtator të vitit 1932, në qytetin Tula, në Rusi. Kreu studimet në Universitetin e Moskës. Aty u njoh dhe u martua me studentin shqiptar Gaqo Pisha, që në vitet ’50-të studionte për filozofi në Universitetin e Moskës, dhe në vitin 1957 erdhën në Shqipëri. Po atë vit filloi punë në Universitetin Shtetëror të Tiranës, në katedrën e kimisë organike. Në vitin 1966, kur filloi fushata «e qarkullimit të kuadrove», bashkëshortët Pisha i transferuan në Berat, ku ajo filloi punë në kombinatin e tekstileve. Për shkak të gjendjes së rëndë shëndetësore të të shoqit, më 1971 i kthyen në Tiranë. U arrestua më 1977, dhe më 16 korrik të po atij viti, Gjykata e Rrethit të Tiranës e dënoi me 16 vjet heqje lirie dhe konfiskimin e pasurisë së luajtshme, për «tradhti ndaj atdheut në formën e spiunazhit dhe agjitacion e propagandë kundër pushtetit popullor». Ky vendim u la në fuqi edhe nga Gjykata e Lartë, më 5 gusht 1977. U lirua me dekret, më 13 janar 1986. Më 1990 u largua familjarisht në B.S., e prej këtu në Izrael.