| Fatos Lubonja | |
|---|---|
 |
|
| Informacione Personale | |
| Emër/Mbiemër: | Fatos Lubonja |
| Atësia: | Todi |
| Vendlindja: | Tiranë |
| Datëlindja: | 1951 |
| Profesioni: | Shkrimtar |
| Gjyqi | |
| Data e Arrestimit: | 7/1974 |
| Akuza: | “Agjitacion e propagandë kundër pushtetit popullor“ |
| Dënimi: | 7 vjet Burg |
| Gjyqi i dytë | |
| Data e Arrestimit: | 23/2/1979 |
| Akuza: | Pjesëtar i një organizate kundërrevolucionare |
| Dënimi: | 16 vjet Burg |
| Hetuesi: | Aleko Beta dhe Shyqyri Duro |
| Prokurori: | Skënder Breca |
| Gjykatësi: | Sofokli Kongo |
| Data e Lirimit: | 1991 |
Shkrimtar, publicist, botues. Lindi në Tiranë, në vitin 1951. I biri i Todi i Lubonjës, ish-drejtorit të RTSH, i cili u shpall përgjegjës për Festivalin e 11-të të Këngës, të kritikuar për ndikimet e huaja. Pas festivalit, Todi Lubonja, me gruan dhe dy djemtë e tij, u internuan në Lezhë. Në atë kohë, Fatosi ishte 23 vjeç, baba i dy fëmijëve të vegjël.
Ende student, u arrestua për ditarin e tij. U arrestua në korrik të vitit 1974, shtatë ditë pas xhaxhait dhe dy ditë para babait. U dënua me shtatë vjet burg për agjitacion dhe propagandë. Ka vuajtur në disa burgje, përfshirë atë të Spaçit ku ka punuar për 5 vjet në minierë. Gjatë kësaj kohe, disa shokë të tij të burgut, i dërgojnë një letër Enver Hoxhës dhe Fatos Lubonja dënohet me akuzën që bënte pjesë në grupin e tyre që donin të rrëzonte pushtetin. U akuzua si "pjesëtar i grupit pro-Sovjetik" dhe u ridënua edhe 16 vjet të tjera. Në burg shkroi një ditar dhe një roman në letra cigaresh.
U lirua më 1991, pra, pas shtatëmbëdhjetë vitesh. Nga koha e lirimit deri më 1993 punoi si sekretar i Përgjithshëm i Komitetit Shqiptar të Helsinkit. Lubonja është botuesi dhe drejtuesi i revistës «Përpjekja», të cilën e themeloi në vitin 1994. Në vitin 1997 u zgjodh lider i Forumit për Demokraci. Më 2004, Organizata e Mediave të Europës Jug-Lindore, i akordoi Çmimin për Bashkëpunimin e Ndërsjellë në Europën Jug-Lindore.