| Nestor Tapencarov | |
|---|---|
 |
|
| Informacione Personale | |
| Emër/Mbiemër: | Nestor Tapencarov |
| Atësia: | Kosta |
| Vendlindja: | Korçë |
| Vendbanimi: | Korçë |
| Gjyqi | |
| Data e Arrestimit: | 16/10/1976 |
| I Torturuar: | Po |
| Lloji i Torturës: | Grushte dhe goditje në fytyrë, marrje në pyetje natën, mbajtje në këmbë gjatë hetuesisë ose lidhur në karrige |
| Hetuesi: | Reshat Leska, Irakli Koçollari, Ligor Kondili |
| Data e Vendimit: | 1977 |
| Data e Lirimit: | 1982 |
U arrestua më 16 tetor 1976, 6 muaj pas arrestimit të të atit, Kosta Topencarov. I ati, i ardhur nga vendlindja e tij, Ohri, në vitin 1950, kërkonte riatdhesim, por nuk u lejua asnjëherë të kthehej. Përkundrazi, atë e arrestuan në prill 1976. Ai ndiqej prej vitesh me dyshimin se ishte agjent dhe pse arsyeja e ardhjes së tij në Shqipëri ishte dashuria për Marikën, vajzën që u bë bashkëshortja dhe nëna e fëmijëve të tij.
Duke qenë se Nestori këmbëngulte pranë Degës dhe Ministrisë së Brendshme për lirimin dhe pafajësinë e të atit, e arrestuan edhe atë. Në atë kohë, studionte për Zooteknikë në Institutin Bujqësor të Tiranës. Hetuesia ndaj tij zgjati 9 muaj e gjysmë. "Në birucat e Korçës më kanë rrahur duke përdorur edhe drurin. Ka pasur një rast ku më kanë lidhur me hekura me duar mbrapa për tri ditë e tri net", ka thënë ai për Kujto. Pas hetuesisë, u dënua me burg dhe u dërgua në Spaç, ku iu nënshtrua punës në minierë. Ai kaloi në burg vitet e rinisë nga 23-29 vjeç. U lirua me amnisti në vitin 1982, në një ditë me të atin.
Burimi: Vetë Nestor Topencarov
Fotoja kryesore: Nestori student, koha kur edhe u arrestua.
Dokumente
