| Josif Papamihali | |
|---|---|
 |
|
| Informacione Personale | |
| Emër/Mbiemër: | Josif Papamihali |
| Atësia: | Avi |
| Vendlindja: | Elbasan |
| Datëlindja: | 23/9/1912 |
| Datë Vdekja: | 26/10/1948 |
Klerik katolik i ritit bizantin, martir i Kishës. Lindi më 23 shtator 1912, në Elbasan.Studimet i kreu në seminarin «Benedikti XI», në Grotaferrata (Itali); studimet e filozofisë dhe të teologjisë në seminarin e Shën Atanazit në Romë, ku dhe u shugurua, më 1 dhjetor të vitit 1935. Një vit më vonë u kthye në Shqipëri dhe u caktua famullitar i kishës së Shën Pjetrit në Elbasan. Qe famullitar dhe në Korçë, Berat, prej nga ku shërbeu edhe në Lushnjë, Pogradec dhe Elbasan; pastaj sërish në Korçë. Prej vitit 1944 qe përgjegjës i Misionit të Kishës Greko-Katolike të Shqipërisë. U arrestua në Korçë më 31.10.1946, ku u burgos dhe u dënua. Më 05.08.1947 u dënua me 5 vjet burg dhe punë të detyruar në Korçë dhe pastaj në Maliq. Vdiq në Maliq, i varrosur i gjallë në kënetë ku kishte rënë, i sfilitur prej lodhjes, më 26.10.1948.
U shpall martir i Kishës nga Papa Françesku në prill të vitit 2016.