Klerik mysliman. Lindi në vitin 1929, në fshatin Qarrishtë të Librazhdit. Që nga mosha 13- vjeçare jetoi në Elbasan ku mbaroi shkollimin dhe medresenë. Më pas u emërua imam. Më 1952, Myftinia e Elbasanit e caktoi mësues të osmanishtes dhe të arabishtes në fshatrat e Librazhdit. Për 10 vjet u emërua sekretar i myftinisë së Elbasanit deri në vitin '67.

Me mbylljen e institucioneve fetare më 1967, i dërgoi një letër proteste Hysni Kapos. Për këtë arsye u arrestua dhe u dënua me 20 vjet burg «për agjitacion e propagandë». U lirua më 1974 dhe u shtrëngua të punonte si punëtor krahu. U arrestua për të dytën herë më 1981, me akuzën se kishte marrë pjesë në një synetllëk, dhe u dënua me 4 vjet heqje lirie, të cilat i vuajti në Qafë-Bar.

Gjatë viteve '67-'90, familja përjetoi shumë herë presione bastisjeje banese. Fëmijëve, pavarësisht rezultateve të larta, nuk iu dha e drejta e studimit.

Më datën 7 dhjetor 1990 i mbështetur nga shumica e popullit elbasanas, dalin për të hapur xhaminë, por tek dera e xhamisë e arrestojnë dhe e mbajnë 24 orë. I caktojnë datën e gjyqit pas 1 jave. U dënua me 25 vjet burg, nga të cilat bëri vetëm 3 muaj në kampin e Spaçit. Që pas lirimit shërbeu si imam në xhaminë e Pashës në Elbasan.

Ndërroi jetë në nëntor 1991. Më 1994, Presidenti i Republikës e nderoi me medaljen «Naim Frashëri» i klasit të parë me motivacionin: «Martir e pishtar i demokracisë shqiptare, antikomunist i vendosur, udhëheqës shpirtëror me moral të lartë që gjithë jetën e vet e shkriu në dobi të atdheut, fesë islame, lirive dhe të drejtave të njeriut dhe çështjes kombëtare». vitin 1996 dekorohet Martir i Demokracisë.

Ju lutem, plotesoni fushat e kerkuara.

Emri/Mbiemri*

E-mail*

Informacionet që doni të shtoni*

Shtoni një imazh/dokument

Ju lutem zgjidhni imazhin qe do te ngarkoni.

Shtoni një tjetër

Verifikim njerezor, ju lutem lereni kete fushe bosh