| Xhemil Margaritari | |
|---|---|
 |
|
| Informacione Personale | |
| Emër/Mbiemër: | Xhemil Margaritari |
| Atësia: | Faik |
| Vendlindja: | Margëlliç , Fier |
| Vendbanimi: | Fier |
| Datëlindja: | 1932 |
| Gjyqi | |
| Akuza: | "Tradhëti ndaj atdheut, agjitacion e propagandë" |
| Vendimi: | Nr. 207 |
| Data e Vendimit: | 28/9/1950 |
| Gjykata: | Gjykata Ushtarake e Gjirokastrës |
Lindi më 1932, më Margëlliç të Fierit. I shpallur kulak. I ati ishte dënuar në vitin 1945 si armik i popullit. Me vendim nr. 207, datë 28 shtator 1950, Gjykata Ushtarake e Gjirokastrës e deklaroi fajtor për "tradhëti ndaj atdheut" dhe e dënoi me 12 vjet burg dhe për "agjitacion e propagandë" me 5 vjet burg. Në vitin 1956 u dënua përsëri për tradhti ndaj atdheut. Edhe i vëllai u dënua për të njëjtën arsye.
Në vitin 1967, u arrestua për herë të tretë. Arsyeja e vërtetë ishte goditja e sipërmarrësve privatë me "biografi të keqe" të shpallur kulakë. Xhemili dhe grupi me të cilin u arrestua u akuzuan për tradhti dhe më pas për veprimtari kundër shtetit gjatë punimeve për ndërtimin e objekteve bujqësore. Xhemili nuk e pranoi akuzën dhe ajo nuk u vërtetua kurrë. Megjithatë ai u dënua me vdekje, varje në litar. Gjyqi u zhvillua më 22 nëntor 1967, në Vlorë. Sipas vendimit, atij iu konfiskua edhe pasuria.