| Tefta (Çapaj) Mersini | |
|---|---|
 |
|
| Informacione Personale | |
| Emër/Mbiemër: | Tefta (Çapaj) Mersini |
| Atësia: | Veledin |
| Vendlindja: | Dukat, Vlorë |
Tefta Çapaj u internua nga Dukati i Vlorës në kampin e Tepelenës në vitin 1948, kur ishte 6-muajshe, bashkë me nënën dhe dy vëllezër, ndërsa 3 vëllezër të tjerë mbetën në Dukat. Regjimi komunist i mbajti peng 3 vëllezërit, si formë presioni për babanë e Teftës, Veledin Bilbil Çapaj, një nga figurat më të rëndësishme të Ballit Kombëtar për Vlorën, i cili u arratis në Greqi.
Me mbylljen e kampit të Tepelenës, Tefta nisi jetën në fshatrat e internimit të Lushnjës, Plug e Savër. Tre vëllezërit u bashkuan me familjen pas 12 vitesh. Tefta u martua në internim. Pas martese mban mbiemrin Mersini.
Fotoja është marrë nga faqja e Facebook të Zërit të Amerikës, nga një kronikë e postuar më 23 gusht 2021.