| Spiro Treska | |
|---|---|
 |
|
| Informacione Personale | |
| Emër/Mbiemër: | Spiro Treska |
| Atësia: | Pano |
| Vendlindja: | Treskë, Korçë |
| Vendbanimi: | Durrës |
| Datëlindja: | 24/1/1902 |
| Profesioni: | Mjek |
| Datë Vdekja: | 24/3/1966 |
| Gjyqi | |
| Data e Arrestimit: | 1947 |
| Data e Lirimit: | 1949 |
| Gjyqi i dytë | |
| Data e Arrestimit: | 1954 |
| Data e Lirimit: | 1958 |
Spiro Treska u lind në Treskë, Korçë. Shkollën e mesme e kreu në Athinë, ndërsa të lartën për mjekësi në Gjermani, ku u specializua për gjinekologji dhe kirurgji. U kthye në atdhe në vitin 1931 dhe filloi punë si mjek duke u bërë përgjegjësi i repartit të parë të lindjeve në spitalin e Tiranës dhe më pas themelues i gjinekologjisë dhe kirurgjisë në Durrës ku investoi edhe me paratë dhe instrumentet e tij mjekësore për pajisjen e pavijonit. Ishte njohës i katër gjuhëve të huaja.
U dënua dy herë nga regjimi komunist për motive politike. Herën e parë në vitin 1947. Në vitin 1948, ndodhej në kampin e Vloçishtit, ku punonte si kirurg në ndihmë të të plagosurve. U lirua në vitin 1949. U dënua për herë të dytë në vitin 1954. Vuajti deri në vitin 1958, në kampet e Radostinës së Fierit, Rinasit e Bulqizës.
Iu kthye shërbimit shëndetësor pasi doli nga burgu duke punuar si mjek në disa rrethe te Shqipërisë. U nda nga jeta më 24 mars 1966. Në vitin 1994, Presidenti i Republikës e dekoroi me urdhrin "Naim Frashëri i klasit të parë" pas vdekjes. Sot, emrin e tij e mban një rrugë në qytetin e Durrësit.
Dokumente
