| Shkëlzen Vellku | |
|---|---|
 |
|
| Informacione Personale | |
| Emër/Mbiemër: | Shkëlzen Vellku |
| Atësia: | Nuredin |
| Vendbanimi: | Krujë |
| Gjyqi | |
| Data e Arrestimit: | 1988 |
| Dënimi: | 20 vjet Burg |
U dënua me 20 vjet heqje lirie në vitin 1988 nga Gjykata e Rrethit Krujë për arratisje dhe agjitacion dhe propagandë. Shkëlzeni ka treguar për kujto.al që u arratis në muajin prill të vitit 1988 në moshën 18-vjeçare me një grup shokësh. Ai kaloi kufirin për në ish-Jugosllavi pas një udhëtimi 48-orësh në malet e Kukësit, në Grykë Cajë, por pas 40 ditësh UDB i shkëmbeu në kufi me disa shqiptarë të Kosovës dhe i dorëzoi në duart e policëve shqiptarë, të cilët i rrahën, i lidhën me zinxhirë dhe i shëtitën në fshatrat e Kukësit, me thirrjen “të varen nën litar”. Sipas Vellkut, në këtë marshim i shoqëronte shefi i Degës, Dashmir Qollaku. U mbajtën gjashtë muaj në birucat e Krujës dhe u nxorën edhe herë të tjera për demaskim para shkollave në Laç dhe Krujë. E vuajti dënimin në Qafë-Bari, ku qëndroi për dy vjet e gjysmë deri në rënien e regjimit.