Sezai Radhima lindi në Vlorë më 10 tetor 1908. Në moshën 12-vjeçare nisi mësimet në shkollën qytetare të Vlorës, filloi studimet në shkollën teknike amerikane në Tiranë ku aty u diplomua për lëndën matematik dhe fizik. Pas mbarimit të luftës filloi punën si mesues matematike në shkollën Tregtare Vlore. Në këtë periudhë , miqësia me Jugosllavinë ishte në lulëzim, mësuesja e serbishtes i kërkoi Sezaiut të mbante një fjalim për Titon si shpëtimtari i Shqipërisë, por ai e refuzoi në mënyrë kategorike. Pas dy muajsh, në shtator 1947, e arrestuan me akuzën : "Për veprimtari armiqsore dhe agjitacion e propagandë kundër pushtetit!". U dënua me 7 vjet burg nga të cilat vuajti 3 vjet. Në vitin 1993, me dekret të presidentit të Republikes, u dekorua "Mesues i Merituar",nr.557,dt.11.6 1993. Vdiq më 17 dhjetor 1997.