| Rexhai Libohova | |
|---|---|
 |
|
| Informacione Personale | |
| Emër/Mbiemër: | Rexhai Libohova |
| Atësia: | Teki |
| Vendlindja: | Lushnjë |
| Vendbanimi: | Lushnjë |
| Datëlindja: | 27/5/1912 |
| Gjyqi | |
| Data e Arrestimit: | 1945 |
| Dënimi: | 5 vjet Burg |
| Vendimi: | Nr. 74 |
| Data e Vendimit: | 7/6/1945 |
| Gjykata: | Gjykata Ushtarake e Elbasanit |
| Data e Lirimit: | 5/1949 |
Lindi më 1912, në Lushnjë. Në vitin 1928-të, u regjistrua në Kolegjin Internacional “Monte Maria” të Romës (shkollë tre-vjeçare), të cilën e mbaroi në vitin 1930-të. Pas kësaj, u kthye në Shqipëri dhe vazhdoi mësimet në Shkollën Tregtare të Vlorës, të cilën e mbaroi në vitin 1933. Pas kësaj, ai studioi në Institutin Tregtar Italian të Selanikut, ku u diplomua për Raxhioneri (Financë). Pasi u kthye në Shqipëri, fitoi një konkurs dhe iu dha e drejta për të punuar si sekretar-konsulent financiar, në Dhomën e Tregtisë të qytetit të Elbasanit.
Kundërshtoi pushtimin italian dhe u internua në Itali. Kur u kthye në Shqipëri, u arrestua nga italianët në 7 nëntor 1941 dhe vuajti dënimin në burgun e Tiranës dhe Elbasanit, nga u lirua në nëntor të vitit 1945. Tre vëllezër të tij dolën partizanë. Dy mbetën dëshmorë gjatë luftës. Në nëntor 1945, komunistët arrestuan babanë e Rexhaiut, Tekiun, por pasi u mësua se ishte babai i tre partizanëve, e liruan.
Në fillim të 1945-ës, u arrestua Rexhaiu. Më 7 qershor 1945, me vendim nr. 74, Gjykata Ushtarake e Elbasanit e deklaroi fajtor për "krime lufte" dhe e dënoi me 5 vjet burg, si dhe humbjen e të drejtave për 5 vjet kohë. Gjatë dënimit, punoi në kampin e Vloçishtit. U lirua në maj të vitit 1949.