| Mark Bajraktari | |
|---|---|
 |
|
| Informacione Personale | |
| Emër/Mbiemër: | Mark Bajraktari |
| Atësia: | Lazër |
| Vendbanimi: | Lezhë |
| Datëlindja: | 1919 |
| Profesioni: | Ushtarak |
| Datë Vdekja: | 2009 |
| Gjyqi | |
| Data e Arrestimit: | 1945 |
Dy vitet e para shkollore i kreu në shkollën te kisha e Rubikut, i zgjedhur nga familjet më me emër. Nga atje shkoi në konviktin e Maleve Tona Shkodër, ku kishin pasur drejtor Mirash Ivanajn. Vazhdoi në Tiranë dhe në Itali shkollën ushtarake me kohë të shkurtër. Mbas shkollimit, punoi në Mifol e Vlorë si "postë-komandant". Vazhdoi "adjutant" i Kol Bib Mirakës dhe Mustafa Krujës. Mustafain e ka përcjellë për të kaluar Hanin e Hotit, ngaqë hyri komunizmi. Iu përgjigj thirrjes “kush nuk ka lyer duart me gjak, nuk do të ketë pasoja”. Meqenëse ishte ushtarak, e futën në Shkollën e Bashkuar për ta arrestuar: Mihallaq Ziçishti, në verën e 1945, brenda 6 muajve. Pretenca e prokurorit ishte pushkatim. Si ushtarak që nuk kishte lyer duart me gjak iu fal jeta duke e dënuar 101 vjet, iu konfiskua pasuria në tërësi dhe iu hoqën të gjitha të drejtat civile.
Filloi vuajtjen e dënimit në burgun ushtarak në Tiranë. E dërguan në burgun e zi të Burrelit siç e quante ky vetë, se nuk kishte as dritë elektrike në atë kohë. Ndriçimi bëhej me bishtukë të mëdhenj me vajguri. Në vitet ‘50 u lirua nga burgu në Beden, nga puna e sforcuar për hekurudhën. Kaloi jetën në vendlindje duke iu privuar çdo e drejtë, atij dhe familjes, deri në vitin 1991. Ndërroi jetë në vitin 2009.