| Maria Medicina | |
|---|---|
 |
|
| Informacione Personale | |
| Emër/Mbiemër: | Maria Medicina |
| Atësia: | Dhionis |
| Vendlindja: | Korçë |
| Datëlindja: | 1923 |
| Profesioni: | Infermiere |
| Gjyqi | |
| Data e Arrestimit: | 28/12/1952 |
| Data e Lirimit: | 6/4/1965 |
Maria Dhionis Medicina (Dvorani), lindur në vitin 1923 në Korçë, me arsim të mesëm, infermiere, akuzohej se ishte vënë “në shërbim të kundërspiunazhit italian”, “që në ditët e para të okupimit italian”. U arrestua më 28.12.1952. Ajo ishte martuar me një italian dhe u paraqit në legatën italiane për të bërë dokumentet. Kjo praktikë e thjeshtë konsullore, paraqitej si veprimtari spiunazhi. Në fund, akuza nxjerr dëshirën e saj për arratisje në Jugosllavi. U gjykua bashkë me Petraq Janku, Moisi Popa, Eleni Popa, Arqile Popa, Dhora Miho.
Gjykata Ushtarake Territoriale Durrës, e drejtuar nga kapiten II Bektash Ismaili, me pjesëmarrjen e prokurorit major Simo Dhami, me vendimin nr.83, datë 4.7.1953, deklaroi fajtorë Marien dhe Petraqin dhe i dënoi me vdekje, pushkatim dhe heqjen e të drejtave civile. Moisiu u dënua me 25 vjet, Eleni me 15 vjet dhe Arqileja e Dhora me nga 10 vjet.
U ndryshua me vendimin nr.288, datë 20.7.1953 të Kolegjit Ushtarak të Gjykatës së Lartë, duke iu kthyer dënimi në 25 vjet privim lirie dhe humbjen e së drejtës zgjedhore për 5 vjet.
Maria u lirua më 6.4.1965 nga Punëtoria Qendrore e Artizanatit në Tiranë.