Lindi më 1920, në Lezhë. Në vitin 1938, mbaroi arsimin e mesëm në Tiranë. Në vitet 1939-1941 ndoqi studimet në Itali për mjekësi. U burgos dy herë nga regjimi fashist. E dënoi më pas edhe diktatura komuniste. Kishte qenë e fejuara e Qemal Stafës dhe më vonë, bashkëshortja e Myzafer Pipës, avokatit që humbi jetën në tortura pas arrestimit.

U arrestua më 13 shtator 1946 kur banonte në Shkodër në kuadër të arrestimeve masive pas kryengritjes së Postribës. U mbajt në hetuesinë e Shkodrës deri sa u mor vendimi përfundimtar nga gjykata.

Më 23 dhjetor 1947, me vendim nr. 506, Gjykata Ushtarake e Shkodrës e deklaroi fajtore "se ka marrë pjesë në radhët e Ushtrisë Nacional-Çlirimtare, më vonë në detyrën e saj si përgjegjëse në spitalet ka bashkëpunuar dhe ka dhënë informata në shërbim të Misionit Anglo-Amerikan", "se ka zhvilluar aktivitete kundër pushtetit popullor", ndaj e dënoi me vdekje, konfiskimin e pasurisë dhe humbjen e të drejtave politike. Me vendim të Gjykatës së Lartë Ushtarake, nr.101, datë 29.2.1948, dënimi u ndryshua në 20 vjet heqje lirie.

U lirua më 18.9.1959 nga Punëtoria Qendrore e Artizanatit, pasi kish vuajtur 13 vjet dhe 5 ditë heqje lirie.

Pas burgut, u internua në Shtyllas të Fierit. U kthye në Tiranë në vitin 1988, ku edhe vdiq në vitin 2002.

Ju lutem, plotesoni fushat e kerkuara.

Emri/Mbiemri*

E-mail*

Informacionet që doni të shtoni*

Shtoni një imazh/dokument

Ju lutem zgjidhni imazhin qe do te ngarkoni.

Shtoni një tjetër

Verifikim njerezor, ju lutem lereni kete fushe bosh