| Beqir Alija | |
|---|---|
 |
|
| Informacione Personale | |
| Emër/Mbiemër: | Beqir Alija |
| Vendlindja: | Shkodër |
| Datëlindja: | 7/4/1927 |
| Profesioni: | Inxhinier |
| Gjyqi | |
| Data e Arrestimit: | 25/3/1975 |
| Akuza: | °Krim kundër shtetit ° |
| Dënimi: | 23 vjet Burg |
| Vendimi: | 17 qershor 1976, Gjykata e Lartë |
Inxhinier gjeolog, drejtor i Institutit Gjeologjik të Naftës e Gazit (janar 1971- mars 1975). Lindi më 7 prill të vitit 1927 në, Shkodër.Kreu studimet për inxhinieri gjeologjie në Bashikimin Sovjetik. Nga janari i vitit 1971 deri në mars 1975 ishte drejtor i Institutit Gjeologjik të Naftës e Gazit. U arrestua në 25 mars të po atij viti. Një vit më vonë, më 17 qershor 1976, Gjykata e Lartë e dënoi me 25 vjet heqje lirie, konfiskimin e pasurisë, humbjen e së drejtës elektorale për 5 vjet kohë dhe heqjen e të gjitha dekoratave, si sabotator në «grupin e naftës». U riarrestua më 21 shkurt të vitit 1979, si anëtar i një organizate të paqenë, që u pagëzua «Revizioniste e majtë», e cila, sipas akuzës, ishte krijuar «për të kryer krime kundër shtetit». Gjyqi ndaj tij dhe nëntë të dënuarve të tjerë, Fadil Kokomanit , Vangjel Lezhos , Xhaferr Xhomos , Muho Balës , Fatos Lubonjës , Nuredin Skraparit , Robert Vullkanit dhe Petrit Orietit , filloi më 9 maj të vitit 1979. Dhe nëntë ditë më vonë, më 18 maj 1979, Gjykata e Lartë e dënoi me 23 vjet heqje lirie dhe humbjen e së drejtës elektorale për 5 vjet kohë.