Të dhënat problematike të vitit 1952 tregojnë se këtë vit është ngritur një kamp pune me këtë numër. Nga raportet në fjalë rezulton se kampi është zhvendosur 4 herë brenda një viti, çka kishte sjellë anomali në punën e tij. Nga emërimi i komandantit të kampit më 23.4.1952 merret vesh se kampi është vendosur në vendin e quajtur Rrapi i Trishit në Tiranë. Gërmimet që kishte kryer kampi llogariteshin për vitin 1953 në mbi 46.000 m³, 14.000 m³ mbushje etj. Në fillim të vitit 1953 këtu punonin 700 të burgosur. Në raportin e komandës pranohej se të burgosurit e këtij kampi “rriheshin me kërbaç në dorë”. Për komandantin e kampit Neim Musaraj në vitin 1952, ndër të tjera, bëhej kjo karakteristikë në dosjen e tij personale:“... puna e tij deri diku është çmuar e mirë, për të cilën është shpërblyer në 4.000 lekë, megjithëse ka 2 vjet në këtë sektor, kjo vjen ngaqë nuk ka shumë ngritje, pasi nuk ka shkollë, bën përpjekje për t’u perfeksionuar në punë, iniciativën nuk e ka shumë të zhvilluar, në marrjen e vendimeve nuk është shumë i mprehtë, ka kokëfortësi dhe i rrëmbyer në punë... Urrejtjen karshi elementit armik e ka të zhvilluar, pasi sektori i punës është i atillë që ka të bëjë me armiq, i urren këta dhe i lufton deri në fund...”. Të dhënat e nxjerra nga biografia e komisarit të kampit Njazi Banushi tregojnë se kampi ka funksionuar në korrik 1952 – shtator 1953. Kuadri i këtij kampi ishte nga profesioni bujk dhe me arsim fillor.

Ju lutem, plotesoni fushat e kerkuara.

Emri/Mbiemri*

E-mail*

Informacionet që doni të shtoni*

Shtoni një imazh/dokument

Ju lutem zgjidhni imazhin qe do te ngarkoni.

Shtoni një tjetër

Verifikim njerezor, ju lutem lereni kete fushe bosh