Mersin  Vlashi nga Lisi i Matit, i njohur si personi që dizenjoi flamurin kombëtar pa yll të kuq gjatë revoltës së Spaçit, është ndër personat që kanë vuajtur dënime të gjata gjatë komunizmit. I nisi dënimet qysh në moshën 20-vjeçare. I etiketuar si armik i pushtetit, nuk do t’i ndaleshin vuajtjet e burgimet gjatë gjithë jetës. Dy herë u dënua për orvatje arratisjeje pa u nisur për t’u arratisur, shumë kilometra larg kufirit, ndërsa dy herë të tjera u ridënua gjatë vuajtjes së dënimit.

Herën e parë e dënuan me 10 vjet heqje lirie, nga të cilat kreu 7. Për herë të dytë e dënuan në vitin 1967.

Ishte duke vuajtur dënimin e dytë, kur mori pjesë në Revoltën e Spaçit. Gjykata Popullore e Rrethit Mirditë, e përbërë nga Filip Lako kryetar dhe Gjin Pali e Pjetër Nikolli ndihmësgjyqtarë, me pjesëmarrjen e prokurorit Zef Deda me vendimin nr.29, datë 30.6.1973, i deklaroi fajtorë të pandehurit dhe përveç konfiskimit të pasurisë dhe humbjen e së drejtës zgjedhore Mersinin e dënoi me 16 vjet burg.

Në vitin 1979 e dërgojnë në burgun e Burrelit. Do të ridënohej edhe një herë, duke kryer gati 32 vite burg në jetën e tij. U lirua përfundimisht nga burgu në shkurt 1991.

Ju lutem, plotesoni fushat e kerkuara.

Emri/Mbiemri*

E-mail*

Informacionet që doni të shtoni*

Shtoni një imazh/dokument

Ju lutem zgjidhni imazhin qe do te ngarkoni.

Shtoni një tjetër

Verifikim njerezor, ju lutem lereni kete fushe bosh