| Marjan Arta | |
|---|---|
 |
|
| Informacione Personale | |
| Emër/Mbiemër: | Marjan Arta |
| Atësia: | Dom |
| Vendlindja: | Nartë, Vlorë |
| Datëlindja: | 1905 |
| Gjyqi | |
| Data e Arrestimit: | 26/3/1951 |
| Akuza: | «Agjitacion e propagandë kundër pushtetit popullor» |
| Dënimi: | 15 vjet Burg |
| Data e Vendimit: | 26/11/1951 |
| Gjykata: | Gjykata Ushtarake e Durrësit |
Klerik katolik. Lindi në vitin 1905, në fshatin Nartë të Vlorës. Të mesmen e kreu në Seminarin Papnor të Shkodrës, ndërsa studimet e larta në Xhenova të Italisë. U shugurua më 1938 dhe u kthye në atdhe, ku u emërua famullitar i Rrëshenit (1938-1945). Pas vitit 1945 shërbeu si famullitar i Selitës së Madhe, si administrator i Perlatit dhe Lurës dhe më vonë sërish si famullitar në Durrës e Vlorë. U arrestua më 26 mars të vitit 1951, për «veprimtari kundra Pushtetit Popullor; agjitacion e propagandë». Tetë muaj më vonë, më 26 nëntor të po atij viti, Gjykata Ushtarake e Durrësit e dënoi me 15 vjet heqje lirie. Në burg pësoi trauma të rënda psiqike, që i lanë pasoja për të gjithë jetën. Pas lirimit, gjatë gjithë vitit 1967 u nxorr vazhdimisht në «gjyqet demaskuese të popullit». Jetoi në një kasolle të shkatërruar. Në pleqëri të thellë e strehoi në shtëpinë e tij një vlonjat musliman.