| Dom Lec Sahatçija | |
|---|---|
 |
|
| Informacione Personale | |
| Emër/Mbiemër: | Dom Lec Sahatçija |
| Atësia: | Balto |
| Vendlindja: | Shkodër |
| Vendbanimi: | Shkodër |
| Datëlindja: | 1906 |
| Profesioni: | Klerik katolik |
| Datë Vdekja: | 4/4/1986 |
| Vënd Vdekja: | Burgun e Zejmenit |
| Arsyeja e Vdekjes: | Vdekje ne burg |
| Rrethanat e Vdekjes: | Burg |
| Gjyqi | |
| Data e Arrestimit: | 1976 |
| Dënimi: | 25 vjet Burg |
U lind në Shkodër në dhjetor 1906. Arsimin fillor dhe të mesëm e kreu në vendlindje në Kolegjin Saverian. Studimet e larta për teologji i zhvilloi në Padova të Italisë. U shugurua meshtar në vitin 1931. Vendosi të shërbejë në Shqipëri, ku u caktua në zona të ndryshme të Mirditës. Pas ndalimit të fesë, në vitin 1967, shkoi të banojë në Shkodër. U arrestua në 17 shtator 1976. Pas 7 muajsh hetuesi, u gjykua bashkë me priftërinjtë e tjerë, Ernest Çoba, Zef Simoni, Kolë Toni. Më 29.4.1977, Gjykata e Rrethit Shkodër e drejtuar nga Shefqet Muçi, me pjesëmarrjen e prokurorit Faik Minarolli, me vendimin nr.108, i shpalli fajtorë. Lec Sahatçijan e dënoi me 25 vjet burgim. Akuzohej për strehim kriminelësh shumë vite më parë, për lidhje të fshehta me Vatikanin, etj.. Nga një fotografi e të burgosurve të moshuar në burgun e Zejmenit, të rrethit të Lezhës, kuptohet se në vitin 1985, ndodhej në atë burg. Vdiq në spitalin e burgut Tiranë më 4.4.1986.
Dokumente
