Për shkak të urisë në zonën e Gjirokastrës në fillim të vitit 1947, ishin shtuar rastet e arratisjeve drejt Greqisë, por edhe Amerikës, duke ngitur kështu alarmin për regjimin komunist, pasi arratisja konsiderohej si një prej krimeve politike më të dënueshme.
Dy radiograme shkëmbyer mes drejtuesve të Partisë Komuniste, Manush Myftiu në Tiranë dhe Mihal Bishës në Gjirokastër, zbulon se arratisjet ishin shtuar vetëm se popullsia nuk furnizohej si duhet me bereqet dhe se masat për mbrojtjeën e kufirit ishin të pamjaftueshme. Drejtuesit komunistë propozojnë të forcohej kufiri, të mbahej sekret ky fenomen dhe të furnizoheshin me bereqet e ushqime gjithë zona, për të frenuar disi arratisjet.
Kujto.al i sjell të plota këto dokumente, si dëshmi e izolimit të paprecedentë të vendit që në vitet e para të regjimit, duke i konsideruar krime politike edhe arratisjet për arsye ekonomike.
Radjogram
Mihal Bisha
Nr.ekstra
Datë, 4/III/47
Gjinokastër
Muarëm vesh se nga qarku juaj janë arratisur gjashtë veta nga shkaku i mungesës së bukës. Familjet e tyre dhe të tjerëpërgatiten t’ikin. Ky është një akt politik, andaj të meren me një herë masa me anë të organeve të Sigurimit, tëpolicisë dhe me anën e shokëve në fshatra që një gjë e tillëtë ndalohet.
Na informoni pa vonesë me radjogram se si qëndron puna.
Manush Myftiu.
PKSH
Komiteti Qarkor për Gjinokastrën
Vdekje Fashizmit Liri Popullit
Nr. Ekstra
Gjinokastër më 6/III/947
Komitetit Qendror të PKSH.
Tiranë
Në lidhje me radiogramin t’uaj Nr.extra datë 4/III/947 ju njoftojmë sa më poshtë:
Gjatë këtyre kohëve të fundit kemi pasur 12 veta që kanëtentuar të arratiseshin për në Greqi; gjashtë prej këtyre janëkapur dhe gjashtë të tjerë, një familje, ka ikur.
Ka pasur edhe shenja të tjera. Për t’evituar këto, dy masa janë të domosdoshme: forcimi i kufirit me forca të tjera, me që forcat janë të pakta;
anë furnizimi i regulltë me sende ushqimore e posaçerisht me bereqet; vajguri e vaj ulliri.
Shenjat për dezertim janë nër elementa që kanë njerëzit e tyre në Greqi e për më tepër për elementat që kanë njerëzit e tyre në Amerikë, letrat që u vinë këtyre nga Amerika u shkruajnë vazhdimishtë që të shkojnë atje nëpërmejet Greqisë.
U porositën gjithë organet e Sigurimit të policisë dhe organizata afër kufirit që të ketë kujdesi të posacme nëlidhje me kët.
Me këtë rast u njoftojmë se gjendja në lidhje me mungesën e bereqetit gjatë këtij muaji e posaçërisht gjatë këtyre ditëve të fundit ka qenë mjaftë e vështirë. Edhe sot me anën në qendrat e N/Prefekturavet popull që presin tëfurnizohen me bereqet jo vetëm në krahinat minoritare por më tepër në krahinat e tjera.
Për këtë i është raportuar nga ana e Pushtetit Ministrisë Tregtisë por nuk na është përgjegjur. Në rast se nuk na vjen shpejt bereqet gjendja ka për për t’u vështirësuar edhe më; kjo pengon gjithë punën e posaçërisht ne lidhje me mbjelljet.
Me që parashifet që këto ditë të vijnë në qarkun tonë edhe komisioni UNOS që ndodhet në Greqi, në bazë tënjoftimeve që ka Seksioni i Sigurimit, për të mos pasur grumbullime në qendra propozojmë dhe e shikojmë tëdomosdoshme të ndërmjetësohet pranë Minsitrisë Tregtisëtë na furnizojë rregullisht e shpejt me sasitë e nevojshme tëbereqetit.
P. Komitetin Qarkor
Mihal Bisha
Firma